საქართველოს სამართალდამცავებმა საბაჟო პუნქტზე ჩაატარეს გადამწყვეტი სპეცოპერაცია, რომელიც განხორციელდა ირანიდან მიღებული საიმედო ინფორმაციის საფუძველზე. სწორედ ირანული მხარის მიერ მოწოდებული ამ ინფორმაციის შემდეგ, სამართალდამცველებმა საეჭვო სატვირთო ავტომობილი მეორედ გაატარეს X-ray სკანერის მეშვეობით.

დამატებითი სკანირების შედეგად, სამართალდამცავებმა სატვირთოს დაფარულ ნაწილებში აღმოაჩინეს მნიშვნელოვანი რაოდენობის ნარკოტიკული ნივთიერება. საგამოძიებო მასალების მიხედვით, ნარკოტიკული ნივთიერების შიგნით დამალული იყო GPS მოწყობილობა, რომელიც სავარაუდოდ ტვირთის გადაადგილების მარშრუტის კონტროლისთვის გამოიყენებოდა.

ოპერაციის შედეგად მძღოლი ადგილზე დააკავეს, ხოლო შემთხვევის გამოძიება საერთაშორისო დონეზე გაგრძელდა.
გავრცელებული ინფორმაციით, საქმე შესაძლოა დაკავშირებული იყოს რეგიონში მოქმედ საერთაშორისო ნარკოტრეფიკინგის ქსელებთან.

სამართალდამცველების განცხადებით, სწორედ ირანიდან მიღებულმა სანდო შეტყობინებამ შესაძლებელი გახადა დანაშაულებრივი სქემის დროული გამოვლენა და საქართველოს ტერიტორიაზე ნარკოტიკის შემოტანის აღკვეთა.